Song

• Malayalam

  1 സ്വർഗ്ഗീയപിതാവേ നിൻ തിരുഹിതം
  സ്വർഗ്ഗത്തിലെപ്പോലെ ഭൂവിലാക്കണേ
  നിൻഹിതം ചെയ്തോനാം നിൻ സുതനെപ്പോലെ
  ഇന്നു ഞാൻ വരുന്നേ നിൻഹിതം ചെയ്‌വാൻ

  എൻ ദൈവമേ നിന്നിഷ്ടം ചെയ്യുവാൻ
  വന്നീടുന്നെ ഞാനിന്നു മോദമായ്
  എന്റെ ഇഷ്ടമൊന്നും വേണ്ട പ്രിയനെ
  അങ്ങേ ഇഷ്ടം എന്നിൽ പൂർണ്ണമാക്കണെ

  2 നന്മയും പൂർണ്ണപ്രസാദവുമുള്ള
  നിൻഹിതമെന്തെന്നു ഞാനറിയുവാൻ
  എൻ മനം പുതുക്കി മാറിടുന്നു നിത്യം
  നിന്ദ്യമാണെനിക്കീ ലോക ലാവണ്യം;-

  3 ഞാനവനുള്ളം കയ്യിലിരിക്കയാൽ
  ആരുമില്ലെനിക്കു ദോഷം ചെയ്യുവാൻ
  ഇന്നെനിക്കു വന്നു നേരിടുന്നതെല്ലാം
  തൻ ഹിതമാണെന്നു ഞാനറിയുന്നു;-

  4 എൻ തലയിലെ മുടികളുമെല്ലാം
  നിർണ്ണയമവനെണ്ണിയറിയുന്നു
  ഒന്നതിൽ നിലത്തു വീണിടേണമെങ്കിൽ
  ഉന്നതനറിഞ്ഞേ സാദ്ധ്യമായിടൂ;-

  5 യേശുക്രിസ്തുവിൻ ശരീരയാഗത്താൽ 
  ഉള്ളയിഷ്ടത്തിൽ ഞാൻ ശുദ്ധനായ്ത്തീർന്നു
  ദൈവഇഷ്ടം ചെയ്തു വാഗ്ദത്തം പ്രാപിപ്പാൻ
  പൂർണ്ണ സഹിഷ്ണത ഏകണെ പ്രിയാ;-

  6 ആരുമറിയാത്ത ശ്രേഷ്ഠഭോജനം
  ഞാൻ ഭുജിച്ചു നിത്യം ജീവിച്ചിടുന്നു
  എന്റെ രക്ഷകന്റെ ഇഷ്ടമെല്ലാം ചെയ്തു
  വേല തികയ്ക്കുന്നതെന്റെ ആഹാരം;-

  7 എന്റെ കഷ്ടങ്ങൾ ദൈവം തരുന്നതാം 
  എന്റെ പ്രാണനെ ഞാൻ യാഗമാക്കുന്നു
  എന്നെ തകർത്തിടാൻ താതനിഷ്ടമെങ്കിൽ 
  തൻ ഹിതമെന്നിൽ സമ്പൂർണ്ണമാകട്ടെ;-

• English

  1 swargeeya pithave nin thiruhitham
  sworgathile pole bhuvil aakkane
  nin hitham chyithonam nin suthane pole
  innu njaan varunne nin hitham cheyvaan

  en daivame ninnishtam cheyyuvaan
  vanedunne njaan innu modammay
  ente ishtam onnum venda priyane
  ange ishtam ennil purnnamaakkane

  2 nanmayum purnna prasadavumulla
  nin hitham enthennu njaan ariyuvaan
  en manam puthukki maridunne nithyam
  nindyamanekke loka laavannyam;-

  3 njaan avanullam kayyilirikkayaal
  aarumilenikku dosham cheyyuvan
  innenikku vannu neridunnathellam
  than hitha’maanennu njaan ariyunnu;-

  4 en thalyile mudikalumellam
  nirnnayamavannenni ariyunnu
  onnathil nilathu veenidenamengkil
  unnathan arinje saadhyamayidu;-

  5 yeshu kristhuvin sharera yagathal
  ulla ishtathil njaan shuddhanaay thernnu
  daiva ishtam cheithu vagdatham prapippan
  purnna sahishnatha ekane priya;-

  6 aarumariyatha shreshta bhojanam
  njaan bhujichu nithyam jeevichedunnu
  ente rakshakante ishttamellam chyithu
  vela thikaikkunnathente aaharam;-

  7 ente kashtangal daivam tharunnathal
  ente pranane than yaga makkunnu
  enne thakarthidan thathanishtamengkil
  than hithamennil sampurnna maakatte;-